KUNTURIA -Sta terra
'STA TERRA (Testo e musiche: D. Navarria) |
| Ccà ‘sta terra è ‘n pararisu, ma scurdata ro Signuri, ppa genti chi ri ‘nfamia ni fanu u so misteri, cu c’havi i sordi pava e cu non n’havi resta a peri, d’amuri non si campa, ma ri guerra si mori, ma ri guerra si mori. Ccà non c’è punti chi teni supra ‘n mari ‘i mangiatari, s’ana pigghiatu puru lu me sangu e lu me cori, ma c’haiu ancora ciatu ppi parrari e ppi cantari, sunannu non si campa, ma cu sta mutu mori, ma cu sta mutu mori. Comu si fa a irisinni ri ccà! Suli, terra, ciauru ri limuni e zagara. Comu si fa a irisinni ri ccà! Terra ri pueti, sunaturi e tra la là! Comu si fa a ristari ccà, … ‘nfamità. Comu si fa a ristari ccà, … senza libertà! Ccà cu veni veni, trova sempri tavuli cunzati, mangia mennuli ruci e ‘ni lassa chiddi amari, si rinchi a panza e a vucca ri prumissi e ri paroli, cu ri spiranza campa, dispiratu mori, dispiratu mori. Comu si fa a irisinni ri ccà! Suli, terra, ciauru ri limuni e zagara. Comu si fa a irisinni ri ccà! Terra ri pueti, sunaturi e tra la là! Comu si fa a ristari ccà, … ‘nfamità. Comu si fa a ristari ccà, … senza libertà! |
Commenti